2021

Frühjahr 2021

Digitales Jugendsingen und -musizieren

 

Unsere Jugendsingen und -musizieren im Frühjahr und Herbst gehören zu den traditionsreichsten Veranstaltungen unseres Gauverbandes. Das erste Jugendsingen hat 1947 in Tegernsee unter Leitung des legendären Kiem Pauli stattgefunden, so dass wir in 2022 das 75-jährige Jubiläum feiern werden.

 

Leider ham mir die Jugendsingen und -musizieren im Jahr 2020 aufgrund der Corona-Pandemie absagen miassn. Und aa heier könn ma wieder koa Präsenzveranstaltung abhoitn.

Deshalb ham mir heuer a digitales Jugendsingen veranstaltet. Viele junge Trachtlerinnen und Trachtler haben – soweit es die Corona-Regeln zulassen ­– sich zusammengefunden und Stücke und Lieder aufgenommen, die wir nachfolgend zusammengestellt haben, so dass Ihr alle von dahoam aus a digitales Jugendsingen anschauen könnt.

 

An dieser Stelle ein besonderes Dankschee an alle, die das digitale Jugendsingen möglich gemacht haben, insbesondere natürlich an die Teilnehmer! Im Herbst oder allerspätestens nächstes Jahr treff ma uns dann hoffentlich wieder „in echt“ und können aa die scheene Musi wieder „live“ hörn!

 

Vui Freid beim Oschaugn wünschen Eich die Gaumusikwarte

Bernhard Lederer und Regina Poensgen

 

...und vielleicht mechts uns ja no wos song? Am Ende der Seitn gibts ein Gästebuch!


Videobeiträge

Jugendsingen-  &  musizieren

 

Als erste Gruppn spuit uns die Familienmusik Stecher aus Gmund:

Michaela und Ludwig werden unterstützt von der Freundin Magdalena und begleitet von der Mama Katja.

Es geht los mit dem Aufzug aus Großmehring. Darauf kommt eine Polka aus Guperding.



 

Als nächstes hör ma vom Korbinian aus der Jachenau zwoa Stückl auf seiner Diatonischen Ziach:

Gruß an Schloss Neudorf und ein Landler.


 

Die Schwester vom Korbinian, die Karoline erfreut uns mit zwoa Plattler auf ihrer Harfe:
Audorfer und Ruhpoldinger, bei uns aa bekannt als „Aschauer“.



 

Aus Gmund san die zwoa Koasa Buam, da Marinus und da Maximilian. Sie spuin uns mit Ziach und Gitarre jeder a Stückl auf und dann hör ma sie aa no gemeinsam.

Als erstes da Marinus mit dem Stückl „in da Kuchl“ und dann da Maximilian mit am oidn Schlager, dem Lied „Stand by me“ auf der Gitarre. 

Und gemeinsam spuins uns dann no den Kathrin Boarischen



 

A junge Flötistin, die Kathi, spuit uns drei Stückl auf. Sie werd begeleitet von da Regina Poensgen an da Gitarr.

  • Kikeriki
  • Kreuzpolka
  • Tanzlied für Anna


 

Aus Arget is da Maxi dabei. Er lasst si mit drei Stückln auf seiner Ziach hörn:

  • Berta – Landler
  • Fürn Christoph
  • Und der bekannte Olympia-Marsch


 

Die Familie Lederer aus Sauerlach spuit und singt des bekannte Stückl „Guat Morgen, Frau Fischer“. D' Julia is an da Harfen, de Mama Michaela spuit Flöte, da Papa Bernhard an Bass, da Benedikt macht d‘ Ansage und singt mit. 

Und da drauf gibt da Benedikt no des Stückl „Old Shatterhand“ zum Besten.



 

 

Dann is aa scho da Tobi aus Schaftlach dro,

den ma mit dem „Gamsjäger Marsch“ hören.



 

Aus Wegscheid und aus da Jachenau san die Lucia und die Lena dabei, die so wundaschee auf eahnare Geigen spuin. Sie san heit bloß zu zwoat, aba wenns die Umständ wieder erlauben spuin sie in da „Werkstattmusi“ mit, da san sie sogar zu zehnt!

Mia hörn die Herbstmelodie und den Kochersberg Zwiefachen.



 

Die Vevi aus Gmund is ebnfois mit da Geign dabei. Sie spuit zwoa Stückl:

  • Gemeinsam mit Ihrer Lehrerin Sophia Pfisterer an Walzer
  • Und mit da Regina Poensgen an Geigenschottisch 


 

Da Hannes aus Waakirchen spuit uns zwoa Stückl auf seiner Ziach:

  • Den bekannten Gföller Marsch vom Kaufmann Schorsch
  • Und den Blondinen-Walzer vom Herbert Pixner

Gemeinsam mit seiner Schwester Lena-Maria spuit er dann no den Markus-Boarischen.

Sie spuit erst seit 5 Monat auf da Harfen und konn scho so guat begleiten!



 

Da Hansi aus Schaftlach is a oida Bekannter bei unsere Jugendsinga und -musizieren. Heit is aa er mit am Stückl vom Herbert Pixner zum hören: Augenstern. Dann kimmt no a bsonders scheens staad-lustiges Stück: Von Freund zu Freund.



 

Aus Niklasreuth is de Dowewind-Musi dabei. Die Lena auf der Harfn und die Agnes an der Ziach spuin fia uns mitananda drei Stückl vom Herbert Pixner:

  • Beautiful Seeress
  • Verena-Walzer
  • Vierteljahrhundert-Dreiviertler


 

Den Abschluss macht die Waldschütz Flötenmusi aus Wall mit am Liad, des grad in da jetzigen Zeit a guats Motto is: Lasset uns das Leben genießen.Und nausspuin dean uns die Annalisa, der Xaver und die Magdalena mitnand mit eahnam Papa, dem Andi, mit dem Oster-Boarischen, den da Andi eigens für des digitale Jugendsinga komponiert hat. 



 

So, jetzt samma durch mit unserm Programm. Dankschee fias oschaung und hoffentlich hots Eich gfoin!

 

Mir wünschen Eich alle mitanand ois Guade, bleibts gsund und hoffentlich sehng ma uns im Herbst wieder in „echt“ beim Jugendsingen und -musizieren in Gmund und Kirchstiegl!

 


Hods eich gfoin?

Mia gfrein uns üba eire Kommentare:

Kommentare: 6
  • #6

    Marga Leingartner (Dienstag, 27 April 2021 10:32)

    Ich höre immer gerne Kindern beim Musischen zu, besonders wenn sie alpenländische Stücke spielen, weil man erlebt, dass diese heimatverbundene Musik nicht ausstirbt.
    Schön wäre es, wenn neben den aufgeführten Namen auch das Alter der Kinder angegeben würde, dann wären die Beiträge bzw. das Können der Kinder noch interessanter.

  • #5

    Franziska Straus (Donnerstag, 22 April 2021 22:40)

    Richtig schee, ganz bärig!
    Da macht as zuhörn dahoam a bsonderne Freud, bei so viel junge Leit, de scho so guad musispuin.
    Weiter so!
    A geniale Idee mit den Videos. Sogar bis zu uns in Donaugau hat ses rumgsprocha und mir kinna aus der Ferne zualusn. Vergelt's Gott - Franziska Straus

  • #4

    Waldschütz Flötnmusi (Mittwoch, 14 April 2021 18:59)

    Dank an Regina und Bernhard fia de Organisation vom Jugendsinga. Hod uns a große Freid gmacht do mid z’doa und zum Seng, wia bärig andere Gruppn Musi machan!

  • #3

    Hans schwaiger (Dienstag, 13 April 2021 17:21)

    Es war ein wunderschöner Auftritt i möchte euch alle dafür herzlich danken machts alle so weiter das wir uns bald bei an Jugend singer und musizieren wieder Danke auch an Bernhard und Regina bleibts alle gesund

  • #2

    Schorsch Hauser (Montag, 12 April 2021 18:51)

    Zum Glück hod d`Regina und da Bernhard des ganze Organisiert
    Es is wunderbar dàs de Kinder und Jugendlichen auf dem Weg, de Freid an dà Musik zu de Leid bringa kennan.
    A herzlichs Vergelts Gott für eier Arbàt

  • #1

    d'Naringerin (Montag, 12 April 2021 14:53)

    I find des a guate Idee mim Online-Singa und Spuin! So bin i durch Zufoi a amoi in den Genuß kemma de junga Künstler zum hern! Machts weida so!